Gure BBK SAIOA GORABIDE taldeko informazioa
Seme-alabak kargura familia-prestazioa eragiten duten desgaitasuna duten adin nagusikoek pentsiodunentzako DBEa eskatu ahal izango dute
Martxoaren 29an sartuko da indarrean Diru-sarrerak Bermatzeko eta Gizarteratzeko Euskal Sistemari buruzko abenduaren 22ko 14/2022 Legea. Lege horrek zenbait berritasun jasotzen ditu, desgaitasuna duten pertsonentzako Diru-sarrerak Bermatzeko Errenta (DBE) eskuratzeko aukera hobetzen dutenak, erroldatzeko eskatutako denborari dagokionez (19. artikulua) eta salbuespenezko bizikidetza-unitatetzat hartzeari dagokionez (26. artikulua).
Legearen arabera, pentsiodunak unitate ekonomiko independentea izan daitezke familia-nukleoaren barruan, eta pentsioduntzat hartzen dira honako hauek: erretiroko, ezintasun iraunkorreko eta alarguntzako kotizaziopeko pentsioa dutenak, zahartzaroko eta baliaezintasuneko nahitaezko asegurua dutenak (gaztelaniaz, SOVI), baliaezintasuneko eta erretiroko kotizazio gabeko pentsioa dutenak, beren kargura duten seme-alaba izateagatik familia-prestazio bat sortzen duten adinez nagusikoak eta gizarte-ongizateko funtsaren prestazio ekonomikoren bat onartuta dutenak.
Osakidetzako EPEan plazak gordetzea
Osakidetzak 36 plaza gorde ditu adimen desgaitasuna duten pertsonentzat zeladoretarako (15 lanpostu), menpeko kidegoetarako eta langileen kidegoetarako (21 lanpostu). Gai-zerrenda irakurketa errazerako egokituta dago eta proba hizkuntza errazean idatzitako galdetegi bat izango da. Eskaerak martxoaren 20ra arte aurkez daitezke, eta beharrezkoa da DBHko ziurtagiria edo antzekoa izatea. Deialdi honi buruzko informazioa eskura dago irakurketa errazean Osakidetza ren web-orrian.
Informazio gehiago:
BBK SAIOA GORABIDE
administracionsaioa@gorabide.com
Tel. 94 453 90 86