Ekitaldiak antolatzen parte hartzen duen taldeak topaketa bat diseinatu du Familien Eguna ospatzeko, eta haien ahalegina, dedikazioa eta konpromisoa aitortzeko
Familien Eguna ospatuko dugu.
Ekitaldiak antolatzen
parte hartzen duen taldeak
diseinatu du ekintza.
Adimen desgaitasuna duten pertsonek
eta profesional batek
osatzen dute talde hori.
Ospakizunak balio izango du
familiei esateko oso garrantzitsuak direla.
Gorabideren historian egin duten guztia
gogoratzeko ere bai,
baita lortu nahi dutena ere.
‘Familien boterea: laguntzen eta eraldatzen duen sarea’ izenburupean, maiatzaren 15ean Familien Nazioarteko Eguna ospatuko dugu. Eta oso modu berezian egingo dugu, ekitaldien antolaketan parte hartzeko talde sortu berriak diseinatu duen lehen ekitaldia izango baita. Talde hori adimen desgaitasuna duten sei pertsonak eta laguntzako profesional batek osatuko dute.
“Familien Eguna egitea izan da asmoa, Familiek jakin dezaten Gorabiden ekarpenak egin ditzakegulaâ€, azaldu du Montsek, antolatzaileetako batek. “Eta pentsatu dugun jarduerak familiek duten garrantzia kontatuko du. Lehenik, Gorabideren historian, familia batzuk elkartu eta gauzak egiten hasi zirenean hasi baitzen. Baina baita gutako bakoitzarentzat ere, gure sostengua direlako, gure lema eta bizitza errazagoa den lekuaâ€, azaldu du.
Topaketa eta aitortza
Ekitaldia topagune bat izango da elkarteko bazkide diren familientzat, eta beren ahalegina, dedikazioa eta konpromisoa aitortuko zaie adimen desgaitasuna duten senideen bizitza hobetzen diharduen elkarte mugimendu bati.
Jarduera nagusiak familiek dituzten botereak erakusteko balioko du, eta zer gertatzen den elkartzen direnean. Gorabide sortu zenetik, une bakoitzean bete beharreko premiei buruzko orientazioa, familiak familiari emandako laguntza edo lortu dituzten lorpenak, eraiki nahi duten etorkizunera arte.
Familien Eguna
Maiatzaren 15a, ostirala, 18:00tik 19:30etara, EDE Eraikinean.
Familien Nazioarteko Eguneko topaketara joan nahi baduzue, erreserbatu zuen plaza, leku kopurua mugatua baita.
Gozatu beste familia batzuekin Gorabideko kide zareten familien boterea ospatzeko eta partekatzeko topagune batez.
Izen-emateak:
Tel. 664 45 25 45 (Johanna)
johannalopez@gorabide.com