1966an edo 2004an jaiotako desgaitasuna duten pertsonentzat, gurekin harremanetan jartzeko aukera eskaini nahi dizuegu, gure BBK SAIOA GORABIDE Zerbitzua aurkezteko asmoz (oraindik ezagutzen ez baduzue edo erabili ez baduzue). Zerbitzu horren bidez, harrera, informazioa, orientazioa eta laguntza ematen dira, eta adimen desgaitasuna duten pertsonen bizitzetan momentu garrantzitsuak identifikatu ditugu. Horietarako, ekintza planak ditugu aurreikusita, familiei erronka eta egoera berrien aurrean laguntza emateko.
- Adimen desgaitasuna duen pertsona bat adin nagusiko bihurtzen denean, egoera familia berriak planteatzen dira, lege erantzukizunei dagokienez eta horri aurre egiteko moduari dagokionez. Eta legezko babes figurak daude, epai judizial bidez ematen direnak. Era berean, hezkuntza etapa bukatzen denean, hainbat aukera daude, hala nola eguneko zentroak, enplegu babestua, prestakuntza programak edota aisialdi baliabideetako zentroak.
- Adimen desgaitasuna duen pertsona bat 55 urteko adinera gerturatzean, beste beharrizan batzuk sortzen dira, erretiroaren inguruan, gurasoen egoeraren inguruan, zaintzaileen aldaketen inguruan, tutorea izendatzearen inguruan, eta norbere etxean, egoitza batean edo etxebizitza komunitario batean bizitzeko laguntzak planifikatzearen inguruan.
Mendekotasunaren balorazioa
Adimen desgaitasuna duten pertsona guztientzat (desgaitasun maila edota erabiltzen duten baliabidea edozein dela ere, enplegu arrunta badute ere) ezinbestekoa da mendekotasunaren balorazioa izatea, adimen desgaitasuna duten pertsonentzako baliabideak edota pertsona nagusi edo mendekotasuna duten pertsonentzako baliabideak eskuratzeko, hala nola etxebizitzak edota egoitzak (egonkorrak eta aldi baterakoak), eguneko zentroak, prestazio ekonomikoak, etxez etxeko laguntza zerbitzua, Gizatek, eta abar.
Informazio gehiago:
BBK SAIOA GORABIDE Zerbitzua
administracionsaioa@gorabide.com
Tel. 94 453 90 86