Osasuna sustatzeko programei laguntzeko bere deialdiaren barruan, Bilboko Udalak 2.800 euroko dirulaguntza eman dio gure Sexualitate Programari. Zehazki, desgaitasun intelektuala duten pertsonen sexualitate osasungarria sustatzen duten jardueretarako.

Programaren helburua da laguntza espezifikoak ematea gure elkartearen erabiltzaileek beren sexualitatea modu egokian eta osasungarrian garatu ahal izan dezaten beren bizitza-proiektuaren barruan. Era berean, tresnak emango zaizkie beren sexualitatearen inguruan dituzten eskubideak ezagutu eta egikaritu ahal izan ditzaten, Desgaitasun Intelektuala duten Pertsonen Eskubideei buruzko Konbentzioarekin bat etorriz.

Gainera, hainbat baliabide eskainiko zaizkie parte-hartzaileei orientazio afektibo eta sexual desberdinak modu normalizatuan bizi ditzaten, beren buruak onartzeko eta errespetuzko esparru batean.

Interesgarria hiriarentzat eta herritarrentzat
Deialdi honekin, Bilboko Udaleko Osasun eta Kontsumo Sailak ekonomikoki sustatu nahi ditu hiriarentzat eta herritarrentzat interesgarriak diren irabazi-asmorik gabeko gizarte-ekimenak, horretarako baliabide publikoen erabilera ona bermatuz. Eta Bilboko elkarte-sareko entitateek osasuna hobetzeko eta eremu horretako desberdintasunak murriztera bideratutako programak eta jarduerak sustatzea du helburu.

Laguntza hau emateko, kontuan hartu ditu programaren interesa, jarduerak diseinatzeko kalitatea edo gure elkartearen esperientzia, gaitasuna eta ezaugarriak.