Adimen desgaitasuna duten beste 16 pertsonarekin batera hartu zuten parte “Soinu Mosaikoa” proiektuan, Orkestra Sinfonikoen Elkarte Espainiarrarekin eta Plena Inclusiónen lankidetzarekin.

Adrián Mesa, José Félix Mongil, Lorena Santa Eufemia, Mikel Martija, Mikel Reyes eta Milagros Durana dira parte hartu dutenak, adimen desgaitasuna duten 16 pertsonen artean, Soinu Mosaikoa proiektuan, Fevas Plena Inclusión Euskadi eta BOS Bilbao Orkestra Sinfonikoarekin. Plena Inclusión España, Orkestra Sinfonikoen Elkarte Espainiarra eta BBVA Fundazioa dira ekimenaren sustatzaileak. Helburua da musika erabiltzea adimen desgaitasuna dutenen garapen pertsonalerako eta inklusiorako.

Otsailaren 9an eta 10ean, Euskalduna Jauregia handikiro zabaldu zuten, adimen desgaitasuna duten 16 pertsonak emanaldia eskaintzeko Bilbao Orkestra Sinfonikoaren ohiko programazioko kontzertu batean. Carlos Miguel Prieto zuzendari ospetsuenetakoaren batutapean, Gorabide, Apnabi, Apdema eta Uribe Kostako erabiltzaileek mikrokonposizioa egin zuten “Munduko lorerik handiena” konposizioari buruz. Pieza hori Emilio Aragónek konposatu zuen, José Saramagoren ipuin batean oinarriturik.

Urte bete eta erdian aritu dira prestakuntzak eta entseguan egiten BOSek koordinaturik, batez ere Narciso Gómez eta Marion Desjacques-ekin, eta bakoitzak bere adierazpen artistikoa aurkitu zuen: musika, perkusioa, dantza, narrazioa… Emaitza esperientzia ahaztezina izan zen, bai parte hartzaileentzat, orkestra eta zuzendaria barne, baita publikoarentzat ere.

Pozez gainezka estreinaldian

Gorabideko sei erabiltzaileak, beste taldekideak bezala, pozez gainezka egon ziren estreinaldiaren egunean. “Beste gauza bat izango zela pentsatzen nuen, baina orkestrarekin sinestezina izan da” adierazi zuen José Félix Mongilek, “zorion” sentimenduarekin. Lorena Santa Eufemia harrituta egon zen emaitzarekin: “Oso ondo iruditu zait, eta oso pozik nago parte hartzeagatik”, adierazi zuen. Mikel Reyes ere “pozik” zegoen: “Musika gustatzen zait; asko gustatu zait sortzea” adierazi zuen. Milagros Duranak esan zuen agertokian “musikarekin lasai egon zela” eta gehien gustatu zitzaiona “talde eta uretan musika egitea” izan zen. Bestalde, Adrián Mesak onartu zuen esperientzia zaila izan zela, “baina gustatzen zait erronka bat bezalakoa izatea eta erakustea gaitasuna dugula” adierazi zuen. Eta Mikel Martijak pozik amaitu zuen: “Bikain egin dugu” adierazi zuen. Eta aldarrikatu zuen “jakin dezala jendeak zer egiteko gai garen, artistak ere bagarela eta asko balio dugula”.

Lehen urratsak, 2008an

Proiektu honek 24 kontzertu eskainiko ditu 14 hiritan eta Fevas eta Euskadiko Orkestra Sinfonikoaren artean 2008an egindako lankidetza hitzarmenari esker sortu zen, helburua zen adimen desgaitasuna dutenengana musika iristea. Esperientzia horretan Mikel Cañadak hartzen du parte, EOSko Hezkuntza Ataleko koordinatzaileak, eta bera da “Soinu Mosaikoa” proiektuaren sustatzaile eta koordinatzaile nagusienetako bat.

Gorabideko sei erabiltzailek emanaldia eskaini zuten Euskaldunan. Bilboko orkestraren kontzertu batean hartu zuten parte. Esperientzia hau Fevasi eta Plena Inclusiónen Soinu Mosaikoa proiektuari esker gauzatu da. Guztiak daude pozik parte hartu dutelako.