Gure BBK SAIOA GORABIDE taldeko informazioa

Bizkaiko Foru Aldundiaren zerbitzu publikoa da Gizatek, eta desgaitasun bat duten edo mendekotasunegoeran dauden pertsonek jasaten dituzten mugak konpentsatu edo arin ditzaketen laguntza-produktuei eta metodo teknologikoei (gurpil-aulkiak, garabiak, audifonoak, altzariak, lenteak, etab.) buruzko orientazioa ematen du, eta zaintzaileak ematen duen arreta bideratzen du, eta horiek eskuratzeko dirulaguntzak ere kudeatzen ditu.

Informazio, erakusketa eta aholkularitza
Badago erakusketarako espazio publiko bat, bistara daitekeena, eta, batzuetan, posible da laguntza-produktuak probatzea eta haiekin interaktuatzea.

Orientazioa
Eskatzailearen autonomia pertsonala hobetzeko balio dezakeen edozein alderdi teknikori buruzko aholkularitza jaso daiteke, egokitasunari buruzko txosten tekniko bat eginez. Edozein gradutan mendekotasuna baloratzeko administrazio-ebazpena edo gutxienez %33ko desgaitasunziurtagiria duen edozein pertsona sar daiteke arlo honetan.

Produktuak erosteko dirulaguntzen kudeaketa
Laguntza-produktuak erosteko dirulaguntzak eskatzeko, hainbat baldintza bete behar dira: desgaitasunaren edo mendekotasunaren ziurtagiria; nazionalitatea edo legezko bizilekua; errolda; egokitasunari buruzko txosten teknikoa; dirulaguntzaren betekizun orokorrak eta eskatutako produktuaren berariazkoak; eta berariazkoak beste erakunde batzuek diruz lagundutako produktuentzat. Urtearen amaiera arteko eskaerak aurkeztu ahal izango dira dirulaguntzaren eskaera aurkeztu aurreko hamabi hilabete naturalen eta dirulaguntza emateko foru-agindua jakinarazi eta hurrengo egunetik aurrerako lau hilabeteen artean erositako laguntzaproduktuetarako.

GIZATEK
Telefonoa: 94 406 6000
Emaila: gizatek@bizkaia.eus
Web: labur.eus/gizatek-hitzordua