Gaztegune, Ludoteka, Hogeitako eta saskibaloia dira haur, nerabe eta gazteentzat abian jarri ditugun jarduera berriak

2021-2022 ikasturtean, pandemia aurreko aisialdi-jarduera ia guztiak berreskuratzeaz gain, hainbat programa berri jarri ditugu abian, batez ere haur, nerabe eta gazteei zuzenduta.

Gaztegune programan 14 eta 17 urte bitarteko gazteek jarduera oso indartsuak egiten dituzten asteazkenetan Bilbon, hala nola zirkua, magia edo perkusioa, eta arratsalde bakoitza abentura dibertigarria izan ohi da.

Ludoteka ostiral arratsaldetan izaten da Bilbon eta 9 eta 13 urte bitarteko haurrak biltzen ditu, kirol eta kultur jarduerak eta tailerrak egiteko, esaterako, globoflexia edo ponpak, parte hartzen duten pertsona guztien gozamenerako.

Hogeitakok arratsalde oso dibertigarriak eskaintzen dizkie Bilbo eta Barakaldoko hiru koadrilari. 20 urte inguruko gazteek haien aisialdirako jarduerak antolatzen dituzte eta gozatzeko aukera izaten dute boluntarioen laguntzarekin.

Saskibaloiko taldea
Kirolak ere badu bere tokia ikasturteko jarduera berrien artean, saskibaloiko taldea sortu baitugu. Ostiral arratsaldero, Lehoiak Gorabide taldeak entrenamenduak izaten ditu eta asteburuetan sortu berri den Bizkaiko Egokitutako Saskibaloi Ligan parte hartzen du.