Salamankako Unibertsitateko Inicoren Desgaitasunari buruzko Jardunaldi Zientifikoetan bizi kalitateari buruzko ikerketa erakutsi dugu, eta AAIDD eta Belgikako Hogeschool Genteko biltzar batean ‘miPlan’ gida aurkeztu dugu
Gure estrategia ezagutza partekatzea da adimen desgaitasuna dutenek eta euren familiek euren bizitzako asmoak garatu ditzaten, eta horri jarraiturik, desgaitasunaren arloko ikerketari buruzko nazioarteko topaketa bitan hartu dugu parte. Horietan, bizi kalitatearekin eta pertsona ardatz duen plangintzarekin lotutako bi aurkezpen egin ditugu.
Lehenik eta behin, hizlarien taldearen barruan egon gara Desgaitasuna duten Pertsonei buruzko Ikerketako Nazioarteko hamargarren Jardunaldi Zientifikoetan, Salamankako Unibertsitateko Komunitatean Integratzeko Institutu Unibertsitarioan (Inico). Foro horretan, Partekatu Sarean lideratzen dugun ikerketa baten emaitzak eman ditugu ezagutzera, ebaluatu da pertsonen helburuak kontuan izanik egindako plan indibidualizatuen inpaktua, erabiltzaileen bizi kalitatea eta pertzepzioa eta, erreferentzia puntuak jarri dira emaitzen analisi longitudinalean.
Biltzarra Belgikan
Beste alde batetik, gure inguruko erakunde bakarra izan gara parte hartzen Building Bridges of Support Biltzarrean, Belgikan. Antolatzaileak Ameriketako Adimen Desgaitasunari buruzko Elkartea (AAIDD) eta Hogeschool Gent izan dira. James Thompsonek, AIDDeko zuzendaritza batzordeko kidea eta lehendakari ohiak, gomendatuta joan ginen, hark gure elkartearen 50. urteurrena ospatzeko antolatu genuen #Gorabide 2062 jardunaldian parte hartu zuen.
Topaketa horretan, poster formatuan aurkeztu dugu gure ‘miPlan’ gida, pertsona ardatz duen plangintza ezartzeko laguntza metodologikoa. Gure aurkezpenean interesa erakutsi zutenen artean, aipatzekoak dira aditu batzuk, Robert Schalock, Miguel Ãngel Verdugo eta Jos van Loon, guztiak ere nazioarteko erreferen tziak dira adimen desgaitasunaren arloan. Horregatik, horrelako nazioarteko foroetan parte hartzeak aukera ematen du kontrastatzeko gure elkartean egiten ditugun lanen kalitatea eta efikazia.