Gure BBK SAIOA GORABIDE taldeko informazioa

Egoitza-zentroetara, etxebizitzetara eta eguneko arreta zentroetara sartu ahal izateko eskaera egiten denean, Bizkaiko Foru Aldundiko desgaitasuna duten pertsonentzako Zentroen Zerbitzuko lantaldeak desgaitasuna duen pertsonaren gizarte-premia, egoera sozio-familiarra eta ingurunea ebaluatzen ditu, plaza bat eskuratzea lehenesteko.

Desgaitasuna duten pertsonentzako zentroetako Arreta Jasotzeko Beharrizanaren Gizarte-adierazlea (AJBG) deritzon tresnak aztertzen eta zehazten ditu desgaitasuna duten pertsonen ingurune egoera eta egoera sozio-familiarra, haien premiak bereizteko eta baliabideak eskuratzeko orduan lehentasunhurrenkera ezarri ahal izateko.

Adierazle hori egiteko, kontuan hartzen da gizarte-premiaren egoera pertsonaren eta dimentsio hauen arteko erlazioak zehazten duela:

• Pertsona integratuta dagoen bizikidetza-unitatea eta zaintzaile nagusien egoera.
• Eskatzailearen ingurune hurbila (etxebizitza, gertuko gizarte-ingurunea eta gizarte-zerbitzu eskuragarriak/laguntza-hornidura formala).

AJBG alderdi horiek egituratzen dute, eta baditu “faktore puntuagarriak”, balorazio jakin bat jasotzen dutenak, zentroetan sartzeko lehentasuna ezarri ahal izateko.

Irizpide horiek desgaitasuna duten pertsonen zentroetan Arreta Jasotzeko Beharrizanaren Gizarte-adierazlea (AJBG) onesten duen ekainaren 18ko 76/2019 Foru Dekretuan zehaztuta daude.

 

BBK SAIOA GORABIDE
administracionsaioa@gorabide.com
Tel. 94 453 90 86