Gure Udako Programak, Bizkaiko Foru Aldundiaren diru-laguntza duena, 42 eguneko irteera eskaintzen ditu Bizkaian zehar, eta aste bateko 14 egonaldi inguruko probintzietan, uztaila eta abuztua bitartean

Hirugarren urtez jarraian, gure udako eskaintza handitzen jarraitzen dugu, desgaitasun intelektuala duten pertsonentzako astebeteko egonaldiak eta eguneko irteerak eginez, covid-19aren aurkako prebentzio-neurriak mantenduz. Jarduera horiek Bizkaiko Foru Aldundiaren laguntza jaso dute eta astebeteko zortzi egonaldi izatetik 14 izatera igaro dira, eta eguneko 42 irteerak mantendu dira, 21 talderentzat, 18 helmuga desberdinekin.

Adimen desgaitasuna duten 259 pertsonak eta 103 boluntariok gure Udako Programaz gozatuko dute 21 taldetan banatuta. Horietako hamalauk, 179 erabiltzailek eta 73 laguntzailek osatutakoak, astebete igaroko dute Lekeition, Urduñan, Durangon, Zugaztietan, Hondarribian, Laredon, Iruñean, Burgosen edo Logroñon. Eta beste zazpik, 80 erabiltzailek eta 30 laguntzailek osatutakoak, eguneko irteerak egingo dituzte Castrora, Bakiora, Azpeitira, Elorriora, Zugaztietara, Añanara, Sopelara edo Algortara.

Astebeteko egonaldien kasuan, paddle egingo dute, piraguan ibili, hondartzaz gozatu, museoak eta interesguneak bisitatu, irteerak egin, piknikak, ginkanak, ibilbideak itsasontzian, barbakoak egin… Edo besterik gabe paseatzeko eta atseden hartzeko aukera izango dute. Talde bakoitzak erabakitzen duena egingo dute uneoro.

Bestalde, eguneko irteeretan, programatutako jarduerak egongo dira; esaterako, egun-pasa Castro edo Bakioko hondartzan, Azpeitiko Burdinbidearen Museora bisita, Elorrioko igerilekuetara egun-pasa, Zugaztietan golfean ibiltzea, Añanako Gatzagak ezagutzea, Sopelako eta Algortako geo-ibilbideak egitea edo kostatik belaontzian ibiltzea.