Inguru hurbilean laguntza-sare naturalak sortzeko guneak eskaintzen ditugu
Adimen desgaitasuna duten pertsonen familiek, oro har, estres eta exijentzia handiagoko egoerei aurre egiten diete. Horregatik, gure Zurekin Programaren barruan, lagundu egiten diegu eta hainbat jardueratan babesa ematen diegu. Besteak beste, familiartekoen arteko topaketak bideratzen ditugu, herrika. Profesionalek dinamizatutako bilerak dira, familia-bizitzaren kalitatean eragina duten alderdiei buruz hausnartzeko eta entitateko beste familia batzuekiko harremanak eta laguntza errazteko.
Pandemiaren ondoriozko mugikortasun-murrizketen ondorioz sortuak, topaketa horiek familien parte-hartzea errazten dute eta beren ingurunean laguntza naturalen sare bat sortzen dute, inguruko beste familia batzuekin harremanetan jartzeko eta udalerrian eskuragarri dauden baliabideak erabiltzeko aukera ematen dutelako.
Familiak laguntzan adituak
Elkarte-partaidetzako jarduera horiekin, familiaren garrantzia nabarmentzen da, laguntzako aditu gisa eta etengabeko laguntza-hornitzaile nagusi gisa. Talde txikietan, elkarrizketak eta eztabaidak sortzen dira familia-giroari, laguntza emozionalari, ongizateari, aurre egiteko baliabide eta estrategiei, indarrei eta abarri buruz.
Ez dira terapia, ezta arazoak konpontzeko lekua ere, familiek gogoeta egin eta elkarrekin lan egiteko espazioa baizik. Azken helburua da beren gaitasun-sentimendua handitzea, familia-bizitzaren kalitatea hobetzeko prozesu gisa.
Informazio gehiago:
gorabide.com/zurekin-programa
emmaballus@gorabide.com
johannalopez@gorabide.com
94 443 12 10 telefonoa