Astebeteko egonaldien eta eguneko irteeren artean, 266 erabiltzailek eta 97 boluntariok hartuko dute parte gure Aisialdi eta Astialdi arloak antolatzen dituen udako programetan

Gure udako programak 266 opor-leku eskaintzen dizkie adimen-desgaitasuna duten pertsonentzat, eta 97 leku laguntza emateko boluntariotzarako. Guztira, 363 pertsonak izango dute aukera zer txango mota egin nahi duten aukeratzeko: hainbat tokitarako astebeteko hamahiru bidaietakoren bat edo Bizkaian eta inguruetan astean hiru irteera egiteko hamabostaldiko zazpi txandetako bat.

Egonaldiak Gijon, Oviedo, Iruña, Lardero, Burgos, Zarautz edo Lekeitiora joango dira. Bertan, 199 erabiltzailek eta 68 boluntariok hainbat jarduera egingo dituzte, hala nola leku tipikoetara eta interpretazio-zentroetara bisitak, ingurumen-jarduerak, hondartza, igerilekua, txangoak, itsasontziko ibilbideak, paseoak, terrazeoa eta filmak edo barne-jarduerak, eguraldiak laguntzen ez badu.

Bestalde, adimen desgaitzauna duten 67 pertsonak eta 29 boluntariok ahalik eta gehien sakelaratuko dituzte Bizkaiak eta bere herri hurbilek eskaintzen dituzten aukerak eguneko irteerekin: paseoak itsasontzian, museo eta leku interesgarrietara bisitaldiak, surfa, kanoak, inguruko mendietako bazkariak, zinema…

Boluntariotza
Programa hau boluntarioen laguntzarekin egiten da. Gorabideko boluntariotza-plazetako bat bete ahal izateko, benetan merezi duela esperientzia desberdin bat bizitzeko denbora eta gogoa besterik ez da izan behar. Ez da ezagutza espezifikorik behar, hasieran prestakuntza eskaintzen dugu eta etengabe mantentzen dugu egonaldi osoan zehar. Adimen desgaitasuna duten pertsonen bizi-kalitatea hobetzeko zerbait eskaini nahi izatea baino ez da beharrezkoa.

Horrelako boluntariotza-mota baten intzidentzia hirukoitza da: Adimen desgaitasuna duten pertsonek beste inguru eta pertsona batzuk ezagutzeko eta horiekin moldatzeko aukera dute. Familiek atseden une batzuk izan ditzakete, erantzukizunik gabe, urte osorako pilak kargatzeko. Eta boluntarioek asko baloratzen duten esperientzia biziko dute. Askotan diote eman dutena baino askoz gehiago jaso dutela bueltan.

Esperientzia ezberdin honetaz gozatu nahi duenak gorabide.com/boluntariotzan eska dezake lekua.