Gure BBK SAIOA GORABIDE taldeko informazioa
Bizkaian mendekotasuna duten pertsonei zainketa ez-profesionalak ematen dizkieten pertsonak artatzeko eta haien bizi-kalitatea hobetzeko neurriak:
- Familia-inguruneko zaintzarako prestazio ekonomikoa (FIZPE), eguneko zentroetan, zentro okupazionaletan eta enplegu-zentroetan jasotzen den arretarekin bateragarria. Mendekotasun I., II. edo III. mailako duten pertsonen ohiko zaintzaile ez-profesionalentzat, baldin eta Bizkaian erroldatuta badaude eta prestazio hau beren Arretarako Banakako Programan (ABP) preskribatuta badute.
- Zaintzailearen Gizarte Segurantzako kuotaren ordainketa. ABPn zaintzaile ez-profesional gisa izendatuta dauden eta Gizarte Segurantzan lanaldi osoko inolako erregimenetan eta langabezian alta emanda ez dauden pertsonentzat. 65 urtetik goirakoak izanez gero, ezin dira erretiroagatiko, ezintasun iraunkorragatiko edo alarguntzagatiko pentsioaren titular izan.
- Urtean 30 eguneko atsedenaldia. Egoitza pribatuetan urtean 30 eguneko atsedenaldia bermatzen da, zerbitzuari lotutako prestazio ekonomiko baten bidez. Baliabide hau ez da bateragarria zentro publikoetako beste egoitza-egonaldi batzuekin.
- Zaintzailearen lana errazteko laguntza-produktuak (Gizatek). Bizkaiko Foru Aldundiak laguntzaproduktuen, etxeko irisgarritasunaren eta ibilgailuen egokitzapenaren gaineko informazioa eta orientazioa eskaintzen du, baita halakoak erosteko dirulaguntzak ere. Denek ere autonomia pertsonala areagotzeko eta, hala badagokio, zaintzaileak ematen duen arreta errazteko helburua dute.
- Zainduz Programa. Udalentzako dirulaguntzak, mendekotasuna duten senideak zaintzen dituzten pertsonen bizi-kalitatea hobetzeko ekintzak gara ditzaten.
Informazio gehiago:
BBK SAIOA GORABIDE
administracionsaioa@gorabide.com
Tel. 94 453 90 86