Halaber, 2019. urteari begira, Gorabideko kide izateko 75 euroko kuota ezarri du

Gorabideko Bazkideen Batzar Nagusiak 2017ko kudeaketa eta finantza-emaitzak onartu zituen, baita 2018ko planak eta aurrekontua ere, eta 2019. urterako 75 euroko kuota ezarri zuen.

Beren botoekin, Gorabideko bazkideek iazko kudeaketa berretsi zuten, planen %98,57 burututa edo gauzatzen ari direla, eta jardueraren adierazle nagusien helburuen %87,76 burututa edo gaindituta. Ekonomia arloan, aurreko batzarrean onartutako defizita murriztu egin zen, 825.267,92 eurotatik 475.473,76 eurotara, eta elkarteak aurre egin dio aurreko urteetako emaitza positiboek sortutako fondo propioei esker.

2018ko aurrekontua
Onartutako 2018ko aurrekontuari dagokionez, 32.991.974,51 euroko gastuak aurreikusten ditu. Horietatik 23.791.098,50 euro langileei bideratuko zaizkie, eta diru-sarrerak 32.505.194 eurokoak izango dira. Ondorioz, defizitaren beste aurreikuspen bat dago, eta Bazkideen Batzarrak hura murrizteko aholkatu zuen.

Eta urte honen plangintzari buruz, nabarmendu zituen gure familia-partaidetzari buruzko hausnarketa-taldeko kideak Ana Rojo eta Argiñe Areitioren aurkezpena. Prestakuntza-eskaintza, harremanak eta elkarren laguntza hobetzeko familietatik familientzako sei proposamenak azaldu dituzte.