Kudeaketa Aurreratuaren Europako Astean, Plena Inclusiónekin eta Fevasekin batera Kalitate Osoko Ereduaren aurkezpena ere antolatu genuen

Gure boluntarioei eskerrak emateko Aisia eta Astialdiak prestatutako bideoak irabazi du Kudeaketa Aurreratuaren Europako Astearen baitan Euskalitek antolatutako ‘Kudeaketa Laburrean’ lehiaketako publikoaren saria. Lana Legoko figurak eta piezak erabilita prestatu zuten, ‘stop motion’ teknikarekin eta jendeak emandako botoen %25 lortu ditu.

Kalitate Osoko Eredu berria
Bestalde, Europako Astearen baitan, Plena Inclusión eta Fevasekin batera, Kalitate Osoko Eredu berria aurkezten lagundu genuen. Ekitaldian, politika publikoen eta gizarte-zerbitzuen kudeaketa aurreratua landu genuen Eusko Jaurlaritzako, Bizkaiko Foru Aldundiko eta Eskubide Sozialen Estatuko Idazkaritzako ordezkariekin.

Gainera, eredu berriaren araberako lehen akreditazioak banatu zituzten –besteak beste, Futubideri– eta Ebaluazio Taldearen lana aitortu zuten. Eta Javi Barrutia, ebaluatzaile gisa prestatu den gure elkartearen lehen erabiltzailea, talde horretako kidea da.

Amaitzeko, Plena Inclusiónek aitorpena egin zigun adimen desgaitasuna duten pertsonen eta haien familien alde 60 urteko elkarte-mugimendu eskertzeko.