Bazkide diren familien hiru ordezkarik gure elkartea ulertzeko duten modua azaldu dute: parte-hartzailea eta parte izatearen sentimenduarekin
Maria Luisa Yolandaren ama da, gure Arteagoti Egoitzan bizi dena; Maite Victor Manuelen arreba da, Aisialdi eta Asiialdi taldeetako erabiltzailea; eta Enara autogestore eta eraldaketa sozialeko formatzaile bat da. Hiruren artean, Gorabideko bazkide izateak zer esan nahi duen eta elkartea horrela inork biziko ez balu gauzak nola aldatuko liratekeen azaldu digute.
María Luisa: Nire alabak 3 edo 4 urte zituenetik naiz bazkide, eta orain 54 ditu. Artatzen zuen medikuak gomendatu zidan Gorabiderekin harremanetan jartzea, eta bazkide ez egitea ez nuen pentsatu ere egin.
Maite: Nire kasuan, aita oso aktiboa zen elkartean, eta halaxe etorri zitzaigun. Duela 50 urte ez zegoen ezer, eta antzeko egoeretan zeuden familiekin elkartzeko eta zer egin zitekeen ikusteko bitartekoa zen.
Enara: Astialdiko klubak interesa piz tu nuenean egin nintzen bazkide, hobea zela esan zidatelako.
Maite: Ze hobea da. Bazkide izatea parte izatea da, Gorabideko komunitatean egon. Gure kasuan, familia osoa sentitzen gara Gorabidekoak; ama, bi anai-arrebak eta ni. Bazkide izan gabe jarduerak egin daitezkeen arren, nik ez nuke planteatuko.
María Luisa: Duela gutxi emakume bat ezagutu nuen. Alaba Aisialdi Taldean zebilen eta gauza gehiagotara joaten zen, eta esan zidan ez zekiela bazkide egin zitekeenik. Eta geratu nintzen apur bat… Ia 5.000 familia baldin bagara, guztiok izan beharko ginateke bazkide.
Maite: Egia da agian ez zarela kontziente bazkide gisa ekarpena egin dezakezula. Familia guztiok etortzen gara Gorabidera zerbait jasotzera, baina zer ematen duzu zuk?
Enara: Hitzaldiak ematen ditudanean, badakit Gorabide ordezkatzen dudala. Ikasi nuen ikastetxean hitzaldi bat eman nuenean, ilusio handia egin zidan. Hunkitu ere egin nintzen.
Maite: Agian, klik hori egin genezake, eta Gorabideren alde zer egin dezakegun pentsatu. Nik anai-arreben laguntza taldean hartzen dut parte, eta ez dakit horrekin elkarteari ekarpenik egiten diodan. Zure zalantzak berdinak dira, zure ikuspegia ematen duzu, eta guztiok ikasten dugu hortik.
Enara: Niri Gorabideko bazkide izateak bakea ematen dit. Eta harro nago Gorabideko bazkidea izateaz. Harro egoteko modukoa da.
María Luisa: Ni kakorratz-lanen taldean ere banago, eta oso pozik gaude. Jarduera egiteaz gain, gertatzen zaigunaz hitz egiten dugu, eta elkarrekin egongo ez bagina jakingo ez genituzkeen gauza asko ateratzen dira.
Maite: Jendea ez balitz Gorabideko bazkide izango, beste gauza bat izango litzateke. Familiek sortu zuten, eta, alde horretatik, familiek galduko lukete. Aldundiak egingo luke guztia eta familiei eskaintzen diegun balioa galduko litzateke.
Enara: Bazkiderik egongo ez balitz, asko galduko genuke. Nik ez dakit nola emango nituzkeen hitzaldiak ikastetxeetan, eta haurrek ez lukete kontatzen diedana ikasiko.
María Luisa: Kasu batzuetan agian gerta liteke, baina ordaindu behar den kopurua ez da ezin ahal izateko modukoa…
Maite: Eta konpentsatuko die.